REBORTUN

Muskizen, hirigunetik ez oso urrun, leku onak eta egokiak daude ibilaldiak egiteko. Mello mendian Rebortun aldea dago, oso leku interesgarria, eta El Pobal auzotik iritsi ahal da. Eskualdeko beste mendi txiki batzuk bezalaxe, Mello mendia pinu eta eukalipto basoen azalera trinkoak estalita dago.

Aisialdirako leku horretan mahai eta erretokiak daude eta antzinako garaien lekukoak ere bai: haritz handi bat eta bi gurbitz. Jende ugari joaten da astialdian eta tarte libreetan eta eguraldi ona egiten duen sasoian. 
Alde honek paisaia desberdinak eskaintzen ditu urtaroaren arabera: udaberrian eta udazkenean goieneko unean dago eta kolore zein soinuen ugaritasunaz gozatzeko aukera daukagu.

EL TXINGAO ZELAIA

Muskiz eta  Arboleda auzoa lotzen dituen errepidean dago kokatuta eta berdegune handia, mahaiak eta erretokiak daude bertan. Eguraldi oneko sasoian, erraza da iristea eta Muskizko eta eskualde osoko auzokideak joaten dira haraino, familia zein lagunekin naturaz gozatzeko asmoz.